Јарда

Од Википедија, слободната енциклопедија
Прејди на: содржини, барај

Јарда (од англ. yard, кратенка: yd или јд) е англиска мерна единица за должина, која се дефинира како 3 стапки, 36 инчи или 1/1760 милја, што е еднакво на точно 0,9144 метри]] по современата, меѓународна дефиниција. Соодветната мерка за површина е квадратна јарда.

Првобитно јардата се делела, по бинарен метод, на два, четири, осум и шеснаесет дела наречени полујарда (half-yard), растојание (span), прст (finger) и нокт (nail). Две јарди сочинуваат фат (fathom).

Зборот „јарда“ доаѓа од зборот за права гранка или стап, иако точното потекло на оваа мерка не се знае со сигурност. Некои луѓе сметаат дека доаѓа од лактот (кубит), или други мерки како должината на расчекорот. Друга теорија е дека јардата потекнува од обемот на човечкиот струк, додека пак трета вели дека била измислена од кралот Хенри I како растојание помеѓу врвот на неговиот нос и крајот на неговиот палец. Првите теории се сметаат за поверојатни.

През годините постоеле разни стандарди за јардата. Современата јарда е компромис помеѓу британскиот и американскиот стандард, е истата е избаждарена наспроти метарот.

Претворање[уреди]