Јанковец

Јанковец
Јанковец Јанковец (Македонија)
Координати 41°06′30″ СГШ 21°00′40″ ИГД 41.108333, 21.011111
Регион	Горна Преспа
Општина	Општина Ресен
Население	1.169
Надморска височина	890
Портал:Македонија

Јанковец е село во Општина Ресен.

Географиja и местоположба

Селото се наоѓа во средишниот ракав од северниот дел на плодното Ресенско поле, некогаш 2 км северно, а денес е предградие на Ресен. Јанковец граничи од север со Избишта и Кривени, од исток со Златари, од југ со Ресен и од запад со Болно. Јанковец е рамничарско село на надморска височина од 890 метри.

По средината на рамничарскиот дел тече Голема Река, која никогаш не пресушува, а нејзините води се користат за наводнување на крајбрежните обработливи површини.

Историja

Потеклото на името на селото Јанковец, според кажувањето на постари жители на селото, се вели дека името го добило по прво населениот човек, некој си Јанко и според неговото име селото било наречено Јанковец. За името на селото постојат и други преданија.

Економија

Во близина на манастирот се наоѓа и ресторанот “Манастир” кој е еден од првите приватни угостителски објекти во поранешна Југославија.

Демографија

Селанка од Јанковец во народна носија, почеток на XX век

Во селото според последниот попис живеат 1169 жители од кои:

Националност	Вкупно
македонци	1149
албанци	0
турци	6
роми	0
власи	7
срби	6
бошњаци	0
други	1

Општествени институции

Со своја училишна зграда селото се здобило уште во времето на турското владеење. ВО 1922 година била изградена нова (денес разурната), а околу 1960 година е подигнато денешното училиште.

Цркви

• Црква „Св. Јован Крстител“ - главната селска црква, осветена 1866 година;
• Црква „Св. Никола“ - се наоѓа на околу 1 км источно од селото;
• Црква „Св. Атанасиј“ - се наоѓа во селото;
• Црква „Успение на Пресвета Богородица“ - главната манастирска црква на Јанковечкиот манастир;
• Црква „Св. Игнатиј Богоносец“ - манастирска црква на Јанковечкиот манастир;

Археолошки локалитети

• Св. Атанасија - средновековна некропола;

Културни и природни знаменитости

Манастирот „Успение на Пресвета Богородица“ во Јанковец

Во селото има куќи кои, поради својата старост и убавина се ставени под заштита на државата, како на Ванчу Икономовски и Теговци.

Во Јанковец постојат три цркви и еден манастир. Црквата “Св. Атанас”, се наоѓа во селото, не е забележана ниту се памети годината на нејзината изградба. Се претпоставува дека е постара од манастирската црква “Св. Богородица”. Црквата “Св. Никола”, на околу 1 км источно од селото, Црквата “Св. Јован” се наоѓа во селото и е осветена во 1866 г.

Во селото се наоѓа манастирот “Св Богородица”, кој се претпоставува дека е изграден пред 18 век. Во неговиот склоп постои манастирска црква, бидејќи пред 1866 година други цркви во селото немало.

Редовни настани

Празник “Успение на пресвета Богородица” се празнува на 28 август, кога на ова место се собира народ од поблиските села и градот Ресен. Во црковниот двор на манастирот е погребан Охридско-преспанскиот владика Дионисиј кој бил Грк по потекло.

Личности

• Кире Гештаковски (р.1954), Македонски политичар, пратеник на ПСД
• Андреј Кезепов (1880 - 1904), македонски револуционер, кресненски војвода на ВМОРО
• Никола Миљовски (1883 - 1940), македонски револуционер
• Христо Низамов (1903 - ?), американски новинар и деец на МПО
• Димитар Бузлевски (р. 1952) - македонски политичар и поранешен пратеник во македонското Собрание како член на СДСМ
• Трифун Иванов, македонски револуционер.

Култура и спорт

ФК Јанковец, оформен 1921 година под името Кралевиќ Марко, за време на Кралството СХС.