Јаз

Од Википедија, слободната енциклопедија
Прејди на: содржини, барај
Јаз

Јаз е плажа во Будва, Црна Гора. Се наоѓа на 2,5 километри западно од Будва. Се состои од 2 дела, едниот е долг 500 метри, а другиот дел, кој понекогаш претставува нудистичка плажа, е долг 300 метри.

Иако, тоа е доста популарна плажа за сончање и кампување, и е една од подолгите плажи во Црна Гора, има добар меѓународен углед како домаќин на бројни концерти и случувања во последните неколку години.

Концерти 2007-2008[уреди]

На годишните летни манифестации се гледа како обид да се зголеми меѓународниот имиџ на Црна Гора, како и да се промовира земјата како добра туристичка дестинација. Во најголемиот дел тоа беше финансирано од страна на Светозар Марковиќ, влијателен црногорски политичар, кој е роден во Будва.

Ролингстонс свиреа на 9 јули 2007 година, во рамките на нивната Биг Бенг турнеја. На концертот имаат присуствувано 25.000 луѓе.

Следен значаен настан беше 3-дневниот Лајв Фест, кој се одржа во август 2008 година. Настапуваа: Лени Кравиц, Арманд ван Хелден. Додека на 5 август, гостуваа: Дино Мерлин и DJ Петро Грув, на 6 август: Горан Бреговиќ, а на 6 август Здравко Чолиќ.

Во истата година Мадона во рамките на својата турнеја Стик Ен Свит одржа концерт на 25 септември на кој присуствуваа околу 50.000 посетители.