Ѓорге Иванов

Од Википедија, слободната енциклопедија
Прејди на: содржини, барај
Coat of arms of the President of Macedonia.svg Ѓорге Иванов Coat of arms of the President of Macedonia.svg
Ѓорге Иванов

Портрет на Ѓорге Иванов.


Во служба
На функција од 
12 мај 2009
Претходник Бранко Црвенковски

Роден 2 мај 1960
Валандово, Македонија
Сопружник Маја Иванова
Професија професор по политички науки
Религија православен христијанин
Потпис Gjorge Ivanov Signature.svg
Претседатели на Македонија
Маја Иванова е македонската Прва Дама
Иванов со сопругата кај Обамови

Д-р Ѓорге Иванов (2 мај 1960, Валандово) е претседател на Македонија, избран на претседателските избори во април 2009 г., поддржан од ВМРО-ДПМНЕ[1]. На функцијата стапи на 12 мај 2009 г. претходно професор на Правниот факултет „Јустинијан I“ во Скопје.

Биографија[уреди]

Иванов е роден во Валандово на 2 мај 1960 година. По завршувањето на основното и на средното образование во Валандово, ги започнал студиите по право на Универзитетот „Свети Кирил и Методиј“ во Скопје. За време на студиите започнал со политички активизам во либералните, реформски младински организации. Во 1988 година почнала неговата седумгодишна новинарска кариера во Македонската радио релевизија, каде што напредувал до позицијата уредник на Третата програма[2]. Во текот на медиумската кариера бил активен во напорите за реформирање на политичкиот систем. Со распадот на еднопартискиот модел, аактивизмот на Иванов во младинските движења бил насочен кон промовирање на политичкиот плурализам и на пазарната економија. Оваа активност ја продолжил и на Универзитетот, на кој почнал со работа во 1995 година. Магистрирал политички науки на темата „Цивилно општество – новите контрадикторности на старата расправа“.[3] Неговиот докторат е насочен кон градењето демократија во поделени општества, конкретно обработувајќи го примерот на Република Македонија.

На политичките студии на Правниот факултет „Јустинијан Први“ во Скопје, професор Иванов работел на претставување нови научни погледи на политиката меѓу своите студенти, на кои им предавал политичка теорија и политичка филозофија. Во 1999 година е именуван за визитинг-професор на Програмата за Југоисточна Европа на Универзитетот во Атина, Грција. Свесен дека отворањето на Македонија кон Запад ќе биде процес за кој се потребни напорите на повеќе генерации, Иванов стана активен во ТЕМПУС-програмата на Европската Унија за Македонија, воведувајќи реформи во наставната програма и магистерски програми на англиски јазик. Како професор престојувал и држел предавања на повеќе странски универзитети и учествувал во меѓународни проекти. Бил раководител на политичките студии и продекан на Правниот факултет „Јустинијан Први“ во Скопје.

Ѓорге Иванов е водечки експерт на полето на цивилното општество и меѓу првите кој вовел систематско проучување во македонската академска заедница. Тој бил консултант на врвни аналитички и истражувачки центри. Генерации лидери ја минале неговата обука за политички менаџмент. Професорот Иванов е меѓу коосновачите на првото македонско списание за политичка наука – „Политичка мисла“. Тој е основач и на првата Политолошка струкова асоцијација во независна Македонија. Иванов е и еден од основачите на Институтот за демократија, солидарност и цивилно општество, реномиран аналитички центар во Македонија кој помогна да се обликува македонската политичка сцена и кој насочи многу млади таленти во политиката. Иако никогаш не бил партиски член, професорот Ѓорге Иванов беше активен во формулирањето на реформската програма на политичката партија ВМРО-ДПМНЕ, која го номинираше за претседателски кандидат на изборите во 2009 година.

Во текот на својот мандат како претседател оствари рекордна дипломатска агенда со преку 200 билатерални средби со шефови на држави. Преку 150 средби со премиери, претседатели на парламенти и шефови на дипломатија. Преку 100 официјални, работни и неформални посети и учества на меѓународни настани. За време на својот мандат оствари повеќе од 100 средби со други странски државници, со високи претставници на меѓународни организации и со верски лидери. Беше домаќин на над 40 официјални и работни посети на шефови на држави на Република Македонија. Во кабинетот пречекуваше илјадници граѓани од најразлични етнички и верски групи, од струкови организации, невладини организации. Беше покровител на бројни домашни и меѓународни културни, научни и спортски настани. Одликуваше бројни поединци и институции во земјава и во странство, од кои пет поранешни и актуелни шефови на држави.

За време на претседателскиот мандат со несмален интензитет продолжи неговата поддршка, соработка, дискусии и предавања со студентите. Одржуваше предавања не само на сите јавни универзитети во Република Македонија, туку и на врвни странски универзитети при многу од своите државнички посети. Најдобрите студенти доаѓаа кај него и нивните сугестии и забелешки, тој ги пренесуваше на ректорите на универзитетите и на надлежното министерство, за заедно да најдат решенија на предизвиците.

Востановил награда „Најдобар млад научник“.[4] Стана препознатлив по Школата за млади лидери низ која со нови знаења, искуства и вештини се стекнаа преку 150 млади луѓе. Со својот ангажман привлече преку 100 најреномирани универзитетски професори, државници и екперти како предавачи на Школата.

Иванов бил повеќепати поканет како предавач на реномирани универзитети во европските центри. Во октомври 2009 година во Анкара му била доделана титулата Почесен доктор на науки на ТОББ Универзитетот за економија и технологија[5], еден од најреномираните приватни универзитети во Турција, при што претседателот говореше на тема „Милет системот – заборавена историја или рецепт за иднината“. Титулата Почесен доктор на науки на претседателот Иванов, вторпат во неговиот мандат, му ја додели ректорот на Универзитетот „Истанбул“ во март 2011 година.[6] На таа свечена пригода професор Ѓорге Иванов одржа предавање на тема: „Мегалополисите како модел за управување на општествата на 21 век“. Последниот од низата почесни докторати на претседателот Иванов му бил доделен во Букурешт, Романија, на Христијанскиот универзитет „Димитрие Кантемир“ во октомври 2011 година.[7] Во октомври 2013 година беше прогласен за почесен професор на Југозападниот универзитет за финансии и економија во Ченгду, Кина[8], а во февруари 2014 година одржа предавање и беше прогласен за почесен професор на престижниот Московски државен универзитет „Ломоносов“[9]. Во септември 2011 годинабил одликуван и со највисокиот Орден на редот на „Св. Лазарус“ од Ерусалим[10], а во декември 2013 година и со Орденот на свети Ѓорѓи од Куќата Хабсбург-Лотринген[11].

Во март 2012 година во Салцбург, Иванов бил инаугуриран за протектор на Европската академија на науките и уметностите[12]. Во декември 2013 година, Иванов станал член на Светската академија на науките и уметностите[13]. Претседателот Иванов е оженет и има еден син.

Книги[уреди]

  • „Цивилно општество“
  • „Демократијата во поделените општества: македонскиот модел“
  • „Современи политички теории“ (во коавторство со Љубомир Д. Фрчкоски)
  • „Политички теории - Антика“ (во коавторство со Светомир Шкариќ)
  • „Политички теории - Среден век“ (во коавторство со Светомир Шкариќ)

Наводи[уреди]

  1. ВМРО-ДПМНЕ го избра Ѓорге Иванов за претседателски кандидат
  2. Профил на Претседателот Ѓорге Иванов; Среда, 17 Јуни 2009 13:59
  3. Нашите политичари имаат подобро CV од светските лидери
  4. ПО ЧЕТВРТИ ПАТ ИЗБОР НА „НАЈДОБАР МЛАД НАУЧНИК“ – ОГЛАСОТ ТРАЕ ДО 31 ДЕКЕМВРИ
  5. Претседателот Ѓорге Иванов во посета на Турцијa
  6. ИВАНОВ СТАНА ПОЧЕСЕН ДОКТОР НА НАУКИ НА ИСТАНБУЛСКИОТ УНИВЕРЗИТЕТ
  7. МАКЕДОНИЈА ИМА БЕЗРЕЗЕРВНА ПОДДРШКА ОД РОМАНИЈА ЗА ЕУ И НАТО
  8. Сертификат за почесен професор на „Југозападниот универзитет за финансии и економија" во Ченгду, Народна Република Кина
  9. Иванов ќе биде прогласен за почесен професор на „Ломоносов“
  10. ИВАНОВ ОДЛУКУВАН СО ОРДЕН МАЛТЕШКИ РЕД НА „СВЕТИ ЛАЗАРУС“
  11. Претседателот Иванов одликуван со Орденот Свети Ѓорги од Куќата на Хабсбург-Лотринген
  12. Иванов инаугуриран во заштитник на Европската академија на науките и уметностите
  13. ПРИЗНАНИЕ ЗА ПРЕТСЕДАТЕЛОТ НА МАКЕДОНИЈА -ИВАНОВ ЧЛЕН НА СВЕТСКАТА АКАДЕМИЈА НА НАУКИТЕ И УМЕТНОСТИТЕ

Надворешни врски[уреди]


Политички функции
Претходник
Бранко Црвенковски
Претседател на Македонија
2009 –
Наследник
Во служба