Ѓорге Иванов

Ѓорге Иванов
Портрет на Ѓорге Иванов.
IV Претседател на Македонија
Во служба
На функција од  12 мај 2009
Претходник	Бранко Црвенковски
Роден	2 мај 1960 Валандово, Македонија
Сопружник	Маја Иванова
Професија	дипломиран правник
Религија	православен христијанин
Потпис
Претседатели на Македонија

Д-р Ѓорге Иванов (2 мај 1960, Валандово) е претседател на Македонија, избран на претседателските избори во април 2009 г., поддржан од ВМРО-ДПМНЕ. На функцијата стапи на 12 мај 2009 г. претходно професор на Правниот факултет „Јустинијан I“ во Скопје.

Биографија

Ѓорге Иванов е професор по политички науки 1995 е избран за асистент на Правниот факултет во Скопје, а во 1998 за доцент на предметите Политички теории и Политичка философија. Една година подоцна е избран за визитинг професор на постдипломските студии за Југоисточна Европа на Универзитетот во Атина. Од 2000 година е член на Советот на директори на европските постдипломски студии за демократија и човекови права на Универзитетот во Болоња и координатор на курсот за демократија, што се изведува на Универзитетот во Сараево. Од 2001 година е раководител на Политичките студии при Правниот факултет во Скопје. Во 2002 е избран за вонреден професор. Во 2008 е избран за редовен професор. Од 2004 до 2008 е продекан на Правниот факултет. Од 2008 година претседател е на Одборот за акредитација на високото образование на Република Македонија. Иванов досега бил раководител на проектите:

• Tempus JEP-41035-2006
• Master Programme in EU Institutions and Policies, Master Programme in Political Management
• Tempus IV ETF-JP-00442-2008 - Example of Excellence in Joint (Degree) Programme Development in South-Eastern-Europe

Има објавувано трудови во повеќе британски, американски и германски стручни и еминентни списанија.

Книги

• „Цивилно општество“
• „Демократијата во поделените општества: македонскиот модел“
• „Современи политички теории“ (во коавторство со Љубомир Д. Фрчкоски)
• „Политички теории - Антика“ (во коавторство со Светомир Шкариќ)

Надворешни врски

• Службена страница на кандидатурата на Иванов
• Кратка биографија на страницата на весникот „Време“

Политички функции
Претходник Бранко Црвенковски	Претседател на Македонија 2009 –	Наследник Во служба