À Tout le Monde

Од Википедија, слободната енциклопедија
Прејди на: содржини, барај
„À Tout le Monde“
Megadeth - A Tout Le Monde.jpg
Сингл од Мегадет
од албумот Youthanasia
Издаден февруари 1995
Формат ЦД сингл, дигитално спуштање
Снимен 1994
Жанр Хеви метал, хард рок
Должина 4:28
Издавачка куќа Капитол
Композитор Дејв Мастејн
Продуцент Дејв Мастејн
Хронологија на синглови на Мегадет
Train of Consequences
(1994)
À Tout le Monde
(1995)
Trust
(1997)

À Tout le Monde е сингл на Мегадет од нивниот шести студиски албум Youthanasia, издаден во февруари 1995 год. преку Капитол Рекордс. Во 2007 песната била преработена и реиздадена под насловот „À Tout le Monde (Set Me Free)“. Новата верзија се нашла на албумот United Abominations, а била препеана во соработка со Кристија Скабија од италијанскиот хеви метал бенд Лакуна Коил.

Омотот на синглот од 2007 година

Музика и текст[уреди]

Видео записот за песната „À Tout le Monde“ бил забранет од страна на музичкиот канал MTV, бидејќи според нив поттикнувал на самоубиство. Во едно интервју од 1994, предводникот на Мегадет, Дејв Мастејн, изјавил:

Песната не говори за самоубиство. Во суштина, зборува за тоа кога ги губиме луѓето што ги сакаме, чувствуваме дека тие имаат нешто да ни кажат. Ова е можност за тие што се пред заминување да соопштат нешто. Мојата намера беше кога би имал само три секунди на им пренесам нешто на луѓето пред да умрам, тоа би било: пријатели мои, многу ве сакам, но сега морам да одам. Тоа се последните зборови кои ќе ги изговорам и кои ќе ме ослободат. Нема да се извинувам, нема да речам дека ќе ми недостасуваат, или дека ќе ги чекам. Ќе напоменам дека ги сакав сите, без разлика дали биле добри или лоши.[1]


И преснимената верзија на песната, заедно со спотот не биле пуштени во етерот, бидејќи според Ем-Ти-Ви: „забраната сѐ уште важела“.

Наслов[уреди]

À Tout le Monde на француски значи „до цел свет“, „до сите“. Рефренот на песната е „à tout le monde, à tous mes amis, je vous aime, je dois partir“, што во превод на македонски би било: „До секој, до сите мои другари, ве сакам, но морам да заминам“. Првичниот наслов на песната немал акцент врз почетното „à“ ниту во насловот, ниту во книшката од албумот. Оваа ситна грешка била исправена на изданието од 2007 година.[2]

Преработената верзија[уреди]

Новото издание на песната излегло под насловот „"À Tout le Monde (Set Me Free)“, кое воедно било дует со Кристина Скабија, вокал на италијанскиот хеви метал бенд Лакуна Коил. Гитарите свиреле по стандардните скали, за разлика од постарата верзија. Втората разлика е што новата снимка била во малку побрзо темпо, а изведбата на Глен Дровер била технички подобра од онаа на Марти Фридман.[3]

Нумерата „À Tout le Monde (Set Me Free)“ била издадена како прв сингл од албумот United Abominations, а бил направен и спот за нејзина промоција. Насловот бил променет само како оваа верзија би се разликувала од старата, иако на некои изданија насловот останал непроменет. Исто така новиот наслов бил со акцентирано „à“.[4]

Поврзаност со убиствата во колеџот Довсон[уреди]

Во септември 2006 година се случил инцидент во колеџот Довсон, каде еден од тамошните асистенти извршил оружен напад врз студентите. При огнената престрелка имало една погината жртва и 19-мина ранети, за на крајот самиот извршител на акцијата да се самоубие. Неговото име е Кимвер Гил, кој имал свој блог посветен на готската субкултура. На денот на самиот масакр, оставил порака дека ја преслушувал песната „À Tout le Monde“. Еве што изјавил Мастејн по тој повод:

Многу бев лут на типот зашто се обиде да ја претвори нашата песна од убава во нешто многу грдо. Им ја посветувам на оние кои го загубија животот, а им ја подарувам на оние кои моментално закрепнуваат. Гил не заслужува да биде фан на Мегадет.[5]


Список на песни[уреди]

Изданието во САД[6]
бр. Наслов Автор Траење
1. „A Tout le Monde“   Дејв Мастејн, Дејвид Елефсон, Марти Фридмен, Ник Менза 4:28
2. Problems“   Глен Матлок, Џони Ротен, Пол Кук, Стив Џонс 3:56
3. „New World Order“ (демо) Мастејн, Елефсон, Фридмен, Менза 3:25
Вкуп. траење:
11:49
Холандското издание
бр. Наслов Автор Траење
1. „A Tout le Monde“   Мастејн, Елефсон, Фридмен, Менза 4:28
2. „Symphony of Destruction“ (демо) Мастејн 5:32
3. „Architecture of Aggression“ (демо) Мастејн, Елефсон 2:49
4. „New World Order“ (демо) Мастејн, Елефсон, Фридмен, Менза 3:25
Вкуп. траење:
16:14

Музички персонал[уреди]

Youthanasia:

United Abominations:

Наводи[уреди]

Надворешни врски[уреди]

Поврзано[уреди]